A nosa Historia

Foi fundada en marzo de 1969 por quen segue sendo o seu director, D. Manuel López Castro. Está legalmente constituída como Asociación Cultural, con máis de trescentos socios protectores. Na súa primeira actuación presentouse con sesenta e dous compoñentes e o seu número variou no tempo, sendo a media actual de trinta voces. Levamos realizadas máis de dous mil actuacións. Son numerosos os concertos ofrecidos na maioría dos pobos e cidades de Galicia.